Бугун,

  • USD 11095.31
  • RUB 173.84
  • EUR 10772.44

Олимлар минглаб йиллар давомида ажралиб қолган Антарктика кўлида тирик мавжудот қолдиқларини топди. Бу ҳақда Nature хабар берди.

Фото: Google Images

Фото: Google Images

Тадқиқотчилар бунга қадар Антарктида сув ҳавзаларида шу каби нарсалар топмаган ва бундай шароитда фақат бактерияларгина яшаши мумкин деб ҳисоблаган.

Бу кашфиёт Subglacial Antarctic Lakes Scientific Access (SALSA) экспедицияси доирасида қилинган. Тадқиқотчилар Жанубий қутбдан 600 километр узоқда жойлашган Мерсер кўлидан намуна олган. Бунинг учун чуқурлиги бир километр бўлган тешик ёриб, унга ҳарорат ўлчайдиган қурилма туширилган. Қурилмага ёпишган чиқиндилар эса микроскоп ёрдамида ўрганилган.

Мутахассислар унда диатом сув ўтлари чиғаноқлари, бўғимоёқлилар қолдиқлари ва микроскопик ҳайвонлар борлигини аниқлади. Шунингдек, микроскоп остида чувалчангдек кўринган ўсимлик ёки қўзиқорин тўқималари ҳам топилган.

Олимларнинг фикрича, ҳайвонлар Мерсер кўлидан тахминан 50 километр узоқликда Трасарктик тоғлари сув ҳавзаларида яшаган. Бундан 10 минг ёки 120 минг йил аввал музликларнинг эриши натижасида яшаш учун қулай шароит пайдо бўлган.

Ҳайвонлар кўлда қандай пайдо бўлганлиги олимларга ҳозирча номаълум. Буни тушунишга организмлар ёшини аниқлаб берувчи ДНК таҳлили ёрдам беради. Кимёвий таҳлил эса улар қуёш нури билан ёритилган экосистемада яшаганми ёки музости қоронғи муҳитда яшаганлигини аниқлашга ёрдам беради.

Изоҳ
Асосий янгиликлар
Дунё
Ривожланаётган давлатлар учун фалокат: АҚШ ва Европа ўртасида савдо уруши бўлиши кутиляпти
Маҳаллий
Фарғона ва Наманган аэропортларини қуюқ туман қоплади, рейслар кечикадиган бўлди
Маҳаллий
Қорақалпоғистонда ЙПХ ходими радар ўрнатилган машинасида таксичилик қилгани айтилмоқда (видео)