Британиянинг Колумбия Университети олимлари илк бор Петри чашкасида илдиз ҳужайраларидан қон томирларини етиштирди. Бу ҳақда «TJournal» хабар берди.
Бундан ташқари томирларни бошқа турдаги жониворларда ҳам ўстириш мумкинлиги аниқланган. Тадқиқот гуруҳи раҳбари Жосеф Пеннингернинг айтишича, қон айланиш тизими инсон организмидаги ҳар бир орган билан боғлиқ. Шу сабабли, томирларни яратиш имконияти кўплаб юрак-қон томир касалликларини даволаш имкониятини очиши мумкин.
Олимлар Петри чашкасида томирларни етиштиргач, уларни тирик сичқонларга кўчириб ўтказган. Тез орада ҳужайралар фаол қон томирларига айланган. Бу уларнинг бошқа турдаги организмларда ҳам етиштириш мумкин деган маънони англатади.
Тадқиқотчилар томирларни диабетга ўхшаш муҳитга жойлаштирган. Томирлар ўзини қандли диабет билан касалланган одамга ўхшаб тута бошлаган.
Одатда, диабет касалликларида бўлган томирлар вақт ўтиши билан тиқилиб қолади ва органларга кислород ва бошқа озуқа моддаларини самарали етказиб беришга тўсқинлик қилади.
Охир-оқибат бу буйрак етишмовчилиги, инсульт ва юрак хуружи каби жиддий муаммоларга олиб келиши мумкин. Ҳозирда олимлар томирларни инсон тўқималарида синаб кўрмоқчи.
Изоҳ (0)