Ўзбекистонда банкротлик мезонларини қайта кўриб чиқиш таклиф қилинмоқда

Норматив-ҳуқуқий ҳужжатлар лойиҳалари муҳокамаси порталида банкротлик тартиб-таомилини қайта кўриб чиқиш ва суд бошқарувчилари фаолиятини тубдан такомиллаштиришни назарда тутувчи лойиҳа муҳокама учун жойлаштирилди. Бу ҳақда Norma хабар бермоқда, деб ёзади Spot.

Таклиф этилаётган лойиҳа қуйидагиларни назарда тутади:

Банкротлик иши мезонлари ва унга қўйиладиган талабларни қайта кўриб чиқиш

Қуйидаги муаммоларни ҳал этиш таклиф қилинмоқда:

• суд банкротлик тўғрисида иш қўзғатиши мумкин бўлган юридик шахс қарзининг энг кам жами суммасини камайтириш:
  • юридик шахсга нисбатан — 500 дан 300 ЭКИҲгача;
  • ЯТТ ёки ЯТТ мақомини йўқотган жисмоний шахсга нисбатан, — 30 дан 20 ЭКИҲгача.
• кредиторларнинг талаблари бўйича пул мажбуриятларини, шунингдек мажбурий тўловларни, шундай мажбуриятлар вужудга келган кундан бошлаб уч ой эмас, балки икки ой ичида бажармаслик муддатини банкротлик аломатлари деб ҳисоблаш;
• тугатишга доир иш юритишни узайтириш механизмига тузатиш киритиш. Ҳозирги кунда иш юритишни узайтириш ҳам банкротлик тўғрисидаги ишда иштирок этувчи шахслар илтимосномасига, ҳам иқтисодий суд ташаббусига кўра узайтирилмоқда. Лойиҳа билан тугатишга доир иш юритишни суд қарорига асосан фақат юқорида кўрсатилган шахслар илтимосномаси асосида узайтириш таклиф қилинмоқда. Шунингдек, узайтиришнинг энг кўп муддатини — кўпи билан 3 ойни белгилаш кўзланмоқда (ҳозирги кунда у аниқлаштирилмаган, тугатишга доир иш юритиш муддати эса 1 йилдан ошиши мумкин эмас).
• Тўртинчидан, бенефициар (наф олувчи, таҳр.) ва аффилланган (қарздор учун мажбурий бўлган кўрсатмалар бериш ёки бошқача тарзда таъсир кўрсатиш ҳуқуқига эга бўлган) шахслар учун, башарти уларнинг биргаликдаги ҳаракатлари сохта банкротлик, банкротликни яшириш ёки қасддан банкротликка олиб келган ва бу ҳақда суднинг кучга кирган ҳукми мавжуд бўлса, субсидиар жавобгарликни белгилаш режалаштирилмоқда.
• банкрот қарздорларнинг мол-мулкини суд бошқарувчилари томонидан «E-IJRO AUKSION» орқали сотиш кўзланмоқда.

Курслар Лойиҳа бошқаруви миллий агентлиги ҳузуридаги Абу Райҳон Беруний номидаги Республика бизнес ва бошқарув олий мактабида ташкил этилади.

Курсларда талабгорлар суд бошқарувчиси аттестатини олиш учун шартнома асосида ўқитилади. Ўқиш якунларига кўра суд бошқарувчиси аттестатини олиш ҳуқуқини берадиган курсларни тугатганлиги тўғрисида сертификат берилади.

Шунингдек, курсларда суд бошқарувчиларининг профессионал даражасини ва малакасини ошириш назарда тутилади.