18 январнинг эътиборга молик хабарлари — «Дарё» дайжестида.
Ўзбекистонда Биринчи Президент Ислом Каримовга хизмат кўрсатган самолёт сотилди.
Қайд этилишича, борт рақами УК-80001 бўлган British Aerospace Avro RJ85 самолёти ишлаб чиқарилган вақтидан бошлаб яъни 1997 йилдан ҳисобдан чиқарилгунича (2003) Ўзбекистоннинг Биринчи Президенти Ислом Каримовга хизмат кўрсатган.
Самолётдан Биринчи Президентнинг вилоятларга ва яқин хорижий мамлакатларга сафарлари учун фойдаланилган.
***
АҚШ фуқароси ва Гулнора Каримованинг собиқ турмуш ўртоғи Мансур Мақсудий Ўзбекистон Биринчи Президенти тўнғич қизининг Швейцария банкларидаги музлатилган пулларининг бир қисмига даъвогарлик қилмоқда.
Мансур Мақсудий ўз акаси Фарид билан Швейцария бош прокуратураси томонидан 2012 йилда Гулнора Каримова ва бошқа бир гуруҳ шахсларнинг пул ювишда айблангани ортидан музлатиб қўйилган 800 миллион франкдан 100 миллионига даъво қилмоқда.
Гулнора Каримова Мансур Мақсудийга 1991 йилда турмушга чиққан. Улар 2001 йилда ажрашган.
***
Ўзбекистон аҳолиси 33 миллион 254 минг 130 кишига етди.
Ўтган йилда ФҲДЁ органларида 768,3 минг нафардан кўпроқ туғилганлик қайд этилди ва бу энг кўп кўрсаткич бўлиб турибди. Уларнинг 400,9 минг нафари ўғил болалар ва 367,4 минг нафари қизалоқлар
Шунингдек, Ўзбекистонда 2018 йилда 14 176 жуфт эгизак дунёга келган.
***
Намангандаги оммавий муштлашув видеоси эълон қилинди.
Ҳодисанинг барча иштирокчилари қўлга олинган.
Айни пайтда уларга нисбатан Жиноят кодексининг 277-моддаси (Безорилик) моддаси бўйича иш очилган.
Воқеа Норин туманида содир бўлган, ҳодиса сабаблари номаълум.
***
Ўзбекистонда янги ҳафта об-ҳавонинг совиши билан бошланади. 20 январь, якшанба куни об-ҳаво ҳароратининг пасайиши ва ёғингарчилик — ёмғирнинг қорга айланиши кутилмоқда.
Энг совуқ об-ҳаво Қорақалпоғистонда бўлиши маълум қилинмоқда. 20 январь куни ҳарорат -3, -8 даражагача, 21—23 январь кунлари эса -7, -15 даражагача пасайиши кутилмоқда.
***
18 январь куни Ўзбекистон Президенти Шавкат Мирзиёевнинг Ҳиндистонга ташрифи давом этди.
18 январь куни Гандинагар шаҳрида бўлиб ўтаётган «Жўшқин Гужарат» халқаро саммити доирасида Шавкат Мирзиёев Ҳиндистон бош вазири Нарендра Моди билан учрашди.
Сўнг «Маҳатма Мандир» кўргазмалар мажмуасида «Жўшқин Гужарат — 2019» IX халқаро инвестиция саммитида нутқ сўзлади.
Изоҳ (0)