Термизда Сурхондарё вилоят адлия бошқармасининг янги биноси фойдаланишга топширилди. Бу ҳақда Адлия вазирлиги маълум қилди.
Унинг тантанали очилиш маросимида вилоят ҳокими вазифасини бажарувчи Баҳодир Пўлатов, Адлия вазири ўринбосари Акбар Ташкулов, давлат ва жамоат ташкилотлари, кенг жамоатчилик вакиллари иштирок этди.
Тадбирда сўзга чиққанлар адлия органлари мамлакат бошқарув тизимида муҳим ўрин эгаллаб, қонун устуворлигини, ҳуқуқни қўллашда ягона давлат сиёсатини амалга ошириш йўлида самарали фаолият кўрсатиб келаётганлигини таъкидлади. Вилоят адлия бошқармаси учун замонавий бинонинг қурилиб, фойдаланишга топширилиши унинг фаолиятини янада яхшилаш ва зарур шарт-шароитлар билан таъминлашда муҳим аҳамият касб этади.
Фойдаланишга топширилган бино учун 6,5 миллиард сўм маблағ сарфланди. Уч қаватли бино хизмат хоналари, 180 ўринли мажлислар зали, янги замонавий техника воситалари, офис мебеллари ва зарур жиҳозлар билан таъминланган.
Изоҳ (0)