9—10 январь кунлари футбол бўйича Испания Кубогининг 1/8 финали доирасидаги дастлабки учрашувлар бўлиб ўтди.
Диего Симёне қўл остидаги «Атлетико Мадрид» жамоаси «Жирона» майдонига сафар қилди ва томонлар дурангга имзо чекди (1:1).
Барча голлар ўйиннинг 1-бўлимида киритилди. 9-дақиқада Атуан Гризманн Никола Калинич узатмасини голга айлантирган бўлса, 34-дақиқада эса Энтони Лосано ҳисобни тенглаштирди (1:1).
Мадриднинг яна бир клуби — «Реал» ўз майдонида «Леганес»ни қабул қилди ва 3:0 ҳисобидаги ишончли ғалабани қўлга киритди.
1-бўлимнинг сўнгги дақиқаларида жамоа сардори Серхио Рамос 11 метрлик жарима зарбасидан дарвозани аниқ нишонга олди ва ҳисобни очди (1:0).
Учрашувнинг 68-дақиқасига келиб Лукас Васкес рақиб дарвозасини ишғол қилган бўлса (2:0), 77-дақиқада эса Винисиус Жуниор супер гол муаллифига айланди.
Испания Кубоги
1/8 финал баҳслари
9 январь, чоршанба
«Жирона»—«Атлетико Мадрид» 1:1
Голлар: 0:1 – 9 Гризманн, 1:1 – 34 Лосано.10 январь, пайшанба
«Хетафе»—«Вальядолид» 1:0
Гол: 1:0 – 90 Анхел.«Вильярреал»—«Эспаньол» 2:2
Голлар: 0:1 – 15 Дардер, 0:2 – 71 Алекс Лопес, 1:2 – 85 Токо-Экамби, 2:2 – 89 Бакка.«Реал Мадрид»—«Леганес» 3:0
Голлар: 1:0 – 44, пенальти, Рамос, 2:0 – 68 Васкес, 3:0 – 77 Винисиус.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)