Ispaniya Kubogi. “Real” g‘alaba qozondi, Vinisiusdan super gol, “Atletiko M” esa durang o‘ynadi (video)
9—10-yanvar kunlari futbol bo‘yicha Ispaniya Kubogining 1/8 finali doirasidagi dastlabki uchrashuvlar bo‘lib o‘tdi.
Diyego Simyone qo‘l ostidagi “Atletiko Madrid” jamoasi “Jirona” maydoniga safar qildi va tomonlar durangga imzo chekdi (1:1).
Barcha gollar o‘yinning 1-bo‘limida kiritildi. 9-daqiqada Atuan Grizmann Nikola Kalinich uzatmasini golga aylantirgan bo‘lsa, 34-daqiqada esa Entoni Losano hisobni tenglashtirdi (1:1).
Madridning yana bir klubi — “Real” o‘z maydonida “Leganes”ni qabul qildi va 3:0 hisobidagi ishonchli g‘alabani qo‘lga kiritdi.
1-bo‘limning so‘nggi daqiqalarida jamoa sardori Serxio Ramos 11 metrlik jarima zarbasidan darvozani aniq nishonga oldi va hisobni ochdi (1:0).
Uchrashuvning 68-daqiqasiga kelib Lukas Vaskes raqib darvozasini ishg‘ol qilgan bo‘lsa (2:0), 77-daqiqada esa Vinisius Junior super gol muallifiga aylandi.
Ispaniya Kubogi
1/8 final bahslari
9-yanvar, chorshanba
“Jirona”—“Atletiko Madrid” 1:1
Gollar: 0:1 – 9 Grizmann, 1:1 – 34 Losano.10-yanvar, payshanba
“Xetafe”—“Valyadolid” 1:0
Gol: 1:0 – 90 Anxel.“Vilyarreal”—“Espanyol” 2:2
Gollar: 0:1 – 15 Darder, 0:2 – 71 Aleks Lopes, 1:2 – 85 Toko-Ekambi, 2:2 – 89 Bakka.“Real Madrid”—“Leganes” 3:0
Gollar: 1:0 – 44, penalti, Ramos, 2:0 – 68 Vaskes, 3:0 – 77 Vinisius.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
