Маҳсулотлар, хом ашё ва материаллар асосий турларининг йириклаштирилган моддий балансларини ишлаб чиқиш тўғрисида Президент фармойиши қабул қилинди. Бу ҳақда Адлия вазирлигининг «Ҳуқуқий ахборот» Telegram канали хабар берди.
Фармойишга мувофиқ, 2019 йилдан иқтисодиётда давлатнинг улушини босқичма-босқич қисқартириш мақсадида бир нечта тартиблар белгилаб берилди. Хусусан моддий балансларни тасдиқлаш тартиби янги мева-сабзавот маҳсулотларини харид қилиш ва фойдаланишга давлат буюртмаси, ўсимлик ёғи, ўсимликларни ҳимоя қилиш кимёвий воситалари, иккиламчи алюминий ресурслари, пахта чигити шроти, металл молибдени ва вольфрам ишлаб чиқариш ва истеъмол қилиш учун бекор қилинди.
Шунингдек, Президентнинг айрим турдаги маҳсулотлар, хом ашё ва материалларнинг моддий балансларини тасдиқлаш ваколати ҳукуматга ўтказилди.
Ҳукуматнинг қора металл прокати, металл рухи, сульфат кислотаси, полиэтилен, полипропилен, пахта момиғи, рангли металл парчалари ва чиқиндиларни ишлаб чиқариш, истеъмол қилиш ҳамда етказиб бериш прогнозини тасдиқлаш ваколати Иқтисодиёт вазирлигига ўтказилди.
Изоҳ (0)