Ўзбекистоннинг Бенилюкс давлатларидаги элчихонасида Asia tour Elite компанияси томонидан «Зангиота термал соғломлаштириш комплекси» лойиҳасини амалга ошириш учун Бельгиядан маслаҳатчи жалб этиш бўйича келишув имзоланди. Бу ҳақда ТИВ матбуот хизмати хабар бермоқда.
Ўзбек томонидан ҳужжатни Asia tour Elite бош директори Акмал Қосимов, Бельгия томонидан «Юкон» юридик компанияси директори Жеан де Брабандер имзолади.
Хорижий маслаҳатчи Ўзбекистондаги энг йирик соғломлаштириш-SPA комплекси бўлиши кутилаётган лойиҳа учун халқаро инвестор топиш, юридик ҳужжатларни ишлаб чиқишда кўмаклашади.
Санаторий типидаги 400 та хонадан иборат меҳмонхона қурилиши, кўплаб тиббий-соғломлаштириш хизматлари кўрсатилиши кўзда тутилаётган лойиҳа ишга тушгач, унинг хизматларидан нафақат Тошкент шаҳри ва вилояти, балки Қозоғистон ва бошқа қўшни давлатлар фуқаролари ҳам фойдаланиши режалаштирилган.
Изоҳ (0)