Бразилиядаги президент сайловлари ғолиби Жаир Болсонару 1 январда мамлакат раҳбари лавозимини бажаришга киришди, деб хабар берди «Эхо Москви».
У миллий конгрессдаги (парламент) тантанали йиғилишда қонунчилик ва суд идоралари вакиллари, хорижий меҳмонлар кўз ўнгида қасамёд келтирди.
«Конституцияни сақлаш, ҳимоя қилиш ва унга риоя қилишга, қонунга амал қилишга, Бразилия халқи манфаати учун ишлашга, Бразилиянинг бирдамлиги, яхлитлиги ва мустақиллигини қўллаб-қувватлашга қасамёд қиламан», — деган Болсонару.
Янги президентнинг мандати муддати 2022 йил 31 декабрда якунига етади.
Изоҳ (0)