Лас-Вегасда уч фарзанднинг онаси маникюр учун 35 доллар тўламай кетиб қолишга уринган мижозни тўхтатаётиб, ҳалок бўлди, деб хабар берди Forum Daily.
53 ёшли Нху Нгуен Crystal Nails & Spa салонида ишларди. Мижознинг пластик картасида етарли маблағ бўлмагани учун у машинасидан пул олиб беришини айтиб, қора Chevrolet Camaro автомобилига ўтириб кетиб қолган.
Полициянинг маълум қилишича, ушбу автомобиль уч ҳафта олдин ўғирланган.
Нгуен машинанинг синиб ётган орқа ойнасини ушлаб олди, бироқ мижоз аёл уни парковка бўйлаб судраб юриб, кейин кетиб қолган. Ушбу ҳодиса Нгуеннинг турмуш ўртоғи кўз ўнгида юз берди. У ҳам салонда менежер бўлиб ишларди.
«Хотиним уни тўхтатмоқчи бўлди, бироқ аёл тўхтамай кетаверди. Уни мен ҳам тўхтата олмадим. Хотиним 35 долларни деб ҳалок бўлди», — дейди эркак.
Изоҳ (0)