Наманганда «Дўппи тикдим ипаклари тиллодан» миллий ҳунармандчилик кўргазмаси бўлиб ўтди. Бу ҳақда ЎзА хабар бермоқда.
Давлат раҳбарининг 2017 йил 17 ноябрдаги «Ҳунармандчиликни янада ривожлантириш ва ҳунармандларни ҳар томонлама қўллаб-қувватлаш чора-тадбирлари тўғрисида»ги фармони асосида ташкил этилган кўргазмада вилоят ҳунармандлари тайёрлаган дўппидўзлик, каштачилик, кулолчилик, пичоқчилик, заргарлик каби қўл меҳнати маҳсулотлари намойиш этилди.
«Ҳунарманд» уюшмаси Наманган вилоят бошқармаси маълумотига кўра, 2017 йилда вилоятда Ҳунарманд уюшмасининг 980 нафар аъзоси бўлган бўлса, ҳозир улар сони 2 минг 130 дан ошади.
– 2018 йилда имтиёзли кредит асосида ҳунармандлар томонидан 962,4 миллион сўмлик 55 та лойиҳа амалга оширилди, - дейди «Ҳунарманд» уюшмаси Наманган вилоят бошқармаси бошлиғи Жаҳонгир Валиев.– Дастурдан ташқари қўшимча 611 лойиҳа ташаббускори аниқланиб, 18,1 миллиард сўмлик кредит олишга эришилди. Ушбу лойиҳаларни бажариш орқали 712 янги иш ўрни ташкил этилди.
Изоҳ (0)