Ўзбекистон Президенти Шавкат Мирзиёев Қирғизистон Республикаси президенти Сооронбой Жээнбеков билан телефон орқали суҳбатлашди. Бу ҳақда Президент Матбуот хизмати хабар бермоқда.
Мулоқот бошида давлатлар раҳбарлари кириб келаётган Янги йил муносабати билан бир-бирини табриклади ва самимий тилаклар билдирди.
Президентлар ўзаро манфаатли ҳамкорлик ҳолати ва истиқболларини муҳокама қилди, шунингдек, минтақавий ва халқаро сиёсатнинг долзарб масалалари бўйича фикр алмашди.
Давлатлар раҳбарлари дўстлик, яхши қўшничилик ва стратегик шериклик алоқаларини янада ривожлантириш ва мустаҳкамлаш, кўп жабҳали икки томонлама ҳамкорликни кенгайтиришга ўзаро тарафдорликни тасдиқлади.
Изоҳ (0)