Ўзбекистон Мудофаа вазирлиги «Ватанпарварлик мавзусида энг яхши селфи» танловини бошлади. Унда барча фуқаролар иштирок этиши мумкин, дея хабар беради вазирлик матбуот хизмати.
Юборилаётган фотосуратлар Ўзбекистонга чексиз муҳаббат, садоқат, мамлакат тарихи ва бугуни учун куюнчаклик туйғуларини, юртни ҳимоя қилишга бўлган интилиш, шунингдек, ахлоқий ва сиёсий принципларни ўзида акс эттириши керак.
Ҳарбий техника, ҳарбий қисм ва муассасалар, шунингдек, бошқа ҳарбийлашган объектлар фонида суратга тушиш маъқулланмайди.
Фотосуратлар электрон ва чоп этилган нусхалари қуйидаги манзилга алоҳида «Мудофаа вазирлиги Тарбиявий ва мафкуравий ишлар бош бошқармасига» ёзуви билан юборилиши мумкин: Тошкент шаҳри, Мирзо Улуғбек кўчаси, 100-уй ёки Telegram мессенжеридаги рақамига (+998 97) 743-32-73.
«Энг яхши селфи» эгаси 14 январь – Ватан ҳимоячилари куни арафасида аниқланади. Материаллар 2019 йилнинг 5 январига қадар қабул қилинади.
Изоҳ (0)