АПЛ, Ла Лига, А Серия, Бундеслига ва Лига 1’да навбатдаги тур якунлари (мусобақа жадвали)

Дам олиш кунлари Европанинг Топ-5 чемпионатларида навбатдаги тур баҳслари ўтказилди.

Англия

Англияда 18-тур ўйинларида ўтказилди. «Ливерпуль» мазкур турда «Вулверҳэмптон»ни 2:0 ҳисобида мағлуб этиб, 1-ўринни мустаҳкамлаб олди.

Хосеп Гвардиола қўл остидаги «Манчестер Сити» эса ўз майдонида «Кристал Пэлас»га мағлуб бўлди. Маурицио Сарри бошлиқ «Челси» «Лестер»га ютқазиб қўйди. Унаи Эмери бошчилигидаги «Арсенал» эса «Бёрнли»ни 3:1 ҳисобида таслим қилди. Турнинг сўнгги ўйинида «Тоттенҳэм» сафарда «Эвертон»ни 6:2 ҳисобида таслим қилиб, 3-ўринга мустаҳкам ўрнашиб олди.

Мусобақа жадвали ва барча натижалар

Испания

Испанияда 17-тур ўйинлари ўтказилади. Мазкур турда пешқадам «Барселона» ўз майдонида «Сельта»ни қабул қилиб, 2:0 ҳисобида ғалаба қозонди. Голларга Усмон Дембеле ҳамда Лионель Месси муаллифлик қилди. «Атлетико Мадрид» эса «Эспаньол»ни қабул қилиб, Антуан Гризманнинг ягона голи эвазига уч очколи бўлди ва мусобақа жадвалида 2-ўринга кўтарилиб олди. «Севилья» «Леганес» майдонига сафар қилиб, 1:1 ҳисобида дуранг қайд этди. Мадриднинг «Реал» клуби эса клублар ўртасидаги жаҳон чемпионати сабаб 17-тур ўйинини ўтказиб юборди.

Мусобақа жадвали ва барча натижалар

Италия

Италияда ҳам Испаниядаги сингари 17-тур ўйинлари бўлиб ўтди. «Милан» жамоаси ўз майдонида «Фиорентина»га 0:1 ҳисобида енгилган бўлса, «Наполи» ўз уйида СПАЛни 1:0 ҳисобида таслим қилди. Турнинг марказий ўйинида эса «Ювентус» Марио Мажукичнинг ягона голи эвазига «Рома»ни мағлуб этди.

Мусобақа жадвали ва барча натижалар

Германия

Германияда 17-турни «Боруссия»лар баҳси очиб берди. Унда Дортмунд клуби 2:1 ҳисобида ғалаба қозонди. «Бавария» эса мазкур турда «Анйтрахт» майдонига сафар қилиб, 3:0 ҳисобида ғалаба қозонди ва иккинчи ўринга кўтарилиб олди.

Мусобақа жадвали ва барча натижалар

Франция

Францияда юз берган тартибсизликлардан сўнг ва ниҳоят мамлакат чемпионатида тўлақонли 1 та тур ўйинлари бўлиб ўтди. 19-тур ўйинларини «Марсель» сафарда «Анжер»га қарши бошлаб берди. Ўйин 1:1 ҳисобида якунланди. Анри бошчилигидаги «Монако» бу сафар сўнгги ўриндаги «Генгам»га 0:2 ҳисобида ютқазди. ПСЖ эса «Нант»ни қабул қилиб, 1:0 ҳисобида ғалаба қозонди. Ягона голни эса Килиан Мбаппе киритди.

Мусобақа жадвали ва барча натижалар