АҚШ сенаторлари Рон Жонсон, Ричард Дурбин ва уларнинг 39 нафар ҳамкасблари Қора денгизда кўп миллатли операцияларни амалга оширишга ундовчи «Эркин ҳаркатланиш» қарорини тақдим этди. Бу ҳақда «Коммерсант.ru» хабар берди.
Шунингдек улар «Шимолий оқим—2» лойиҳасига қарши чиқди. Ушбу чоралар қонунчилар томонидан «Керч бўғозида ва Азов денгизи ҳудудидаги Россиянинг тажовузкор ҳаракатларига» жавобан таклиф қилинди.
«Қўшма Штатлар ва иттифоқдошлар Россия Федерациясининг ҳарбий тажовузига тезда жавоб бериши керак. Денгиз ҳарбий амалиёти Қора денгиздан Азов денгизига хавфсиз ўтишни таъминлаши керак», — дейилади ҳужжатда.
Унинг муаллифларидан бири «Дунё, Украина демократияси ва суверенитетига қарши Россия ҳужумини тўхтатиши керак», дейди.
«Украина кемаларига қилинган Россия ҳужуми можаронинг тобора кучайиб боришига сабаб бўлди, биз бунга бор кучимиз билан жавоб беришимиз керак», — дейди яна бир сенатор.
25 ноябрь куни Керч бўғозида Россия чегарачилари томонидан РФ чегарасини ноқонуний кесиб ўтгани учун учта Украина кемаси қўлга олинган.
24 кишидан иборат кема экипажи январь ойигача ҳибсда сақланмоқда. Бунга жавобан, Киев мамлакатнинг 10 та минтақасида ҳарбий ҳолат эълон қилди ва 16 дан 60 ёшгача бўлган рус эркакларининг мамлакатга киришини тақиқлади.
Изоҳ (0)