Америкалик бизнесмен Питер Шанкман беш йилдан буён нотанишларга авиапарвозлардан тўпланган масофа милларини совға қилади. Бу ҳақда «TJournal» хабар беради.
Шанкманнинг сўзларига кўра, у бу йўл билан байрам арафасида яқинларини кўриш учун ўзига чипта олиш имкониятига эга бўлмаган инсонларга ёрдам беради. У ўзининг Imgur тармоғидаги постида мазкур таклиф фақат АҚШ ичидаги парвозлар учун амал қилиши ҳақида огоҳлантирган.
Шанкман бепул чипталарни 2013 йилдан тарқата бошлаган. Унинг айтишича, ушбу миллар унинг жуда кўп саёҳатлари натижасида тўпланган — айтайлик, 2018 йилда у 11 марта Осиё мамлакатларида бўлган.
Кейинчалик Шанкманнинг йўлини тутадиганлар сони ортди — 2018 йилда улар 100 минг мил хайрия қилди.
Тадбиркорнинг ўзи бу гал 200 минг мил хайрия қилди. Бунинг ёрдамида бешта оила Рождество байрамида кўришиш имконига эга бўлди.
Шанкманнинг ўзи милларни тарқатиб, қизига оиланинг аҳамиятини ҳамда одамларга яхшилик улашишни ўргатмоқда. Унинг ўзи жуда ҳам меҳрибон оилада улғайганини айтади.
Изоҳ (0)