Боливия президенти Эво Моралес АҚШ ҳукумати ёлғон ёрдамида унга янги муддатга сайланишига ҳалал бераётганлиги тўғрисида даъво қилмоқда. Бу ҳақда «ТАСС» хабар берди.
«2002 йилдаги каби, АҚШ ва унинг ўнг қанот сиёсатчилари номзодлигимизни ёлғон ва таҳқирлаш йўли билан тўсишга урунмоқда», — дейди Моралес ўзининг Twitter’даги саҳифасида.
«Улар демократия тўғрисида қайғуришларини айтмоқда. Боливия суверен давлат ва ҳар қандай аралашувларни инкор этади», — дейди президент.5 декабрь куни Боливия Олий Сайлов суди 2006 йилдан буён мамлакатга раҳбарлик қилаётган Моралеснинг номзодини тўртинчи президентлик муддати учун тасдиқлади. Мухолифат бир қатор норозилик намойишлари ўтказди, сабаби у ҳозирги президентнинг талабномасини конституциянинг бузилиши ва фуқароларга нисбатан ҳурматсизлик сифатида баҳоламоқда.
Моралес Боливия президенти давлат бошқариш муддати бўйича рекорд ўрнатди.
Президент мамлакат тепасига 2005 йилнинг декабрь ойида ўтказилган сайловлар натижасида келган. У 2009 ва 2014 йилларда тақиқланган бўлишига қарамай яна уч марта сайланди.
Конституциявий суд, 2009 йилда Боливияда асосий қонун қайта қабул қилинганлиги сабабли, биринчи мандат ҳисобга олинмаслигини қайд этган.2017 йилнинг ноябрида Боливия Конституцион суди Моралесни яна бир муддатга сайланиши учун қарор қабул қилди.
Изоҳ (0)