Барнаул шаҳрида яшовчи тожикистонлик Фарид Мадолимов ҳар жума куни пенсионерларга бепул нон тарқатади. Бу ҳақда «News.tj» хабар берди.
Бу ҳақда «Алтайская Правда» нашрига пенсионерлар томонидан таъсирли мактуб йўлланди.Пенсионерлар Фариднинг авваллари тамаки сотиладиган дўконни файзли мева ва сабзавот дўконига айлантиргани ҳақида ёзган.«У ҳар бир мижозга самимий муносабатда бўлади. Дўконига заиф кекса одам кираётганини кўрса унга ёрдам беради. Албатта, биз нафақа оламиз ва ўзимиз учун нон сотиб олишга қодирмиз. Аммо ғамхўрлик инсонга жуда ёқимли. Агар барча ёшларимиз бу ажойиб йигитга ўхшаса эди!» — деб ёзилади мактубда.Фарид Тожикистоннинг Сўғд вилоятидан Олтой ўлкасига келган. У ва унинг хотини икки нафар қизи ва ўғилни тарбиялаяпти.«Ватанимдаги барча шундай иш тутади ва мен Сибирга ишлаш учун келиб, бу анъанани давом эттиряпман. Жума, мусулмонлар учун ибодат куни. Ҳар бир инсон ўз яқини билан борини баҳам кўриши керак. Нондан-да яхшироқ ва азизроқ нима бўлиши мумкин?», — дейди Фарид Мадолимов.Фарид шунингдек, Янги йилда кексаларга олма ва мандарин тарқатиш ҳақидаги режалари билан бўлишди. У ўзининг бобоси ва бувиси йўқлигини, шунинг учун, эҳтимол, кекса инсонларни яхши кўришини айтди.
Изоҳ (0)