Жорий йилнинг 11 декабрь куни Тошкент шаҳар Чилонзор туманида жойлашган «Бек тўпи савдо комплекси» МЧЖда ички ишлар органларининг тегишли соҳавий хизмат ходимлари ҳамда бошқа дахлдор ташкилотлар вакиллари билан ҳамкорликда яна бир ёнғин ўчириш амалий тактик машғулоти ўтказилди. Бу ҳақда Давлат ёнғин хавфсизлиги хизмати хабар бермоқда.
Ушбу машғулот доирасида ёнғин ёки бошқа фавқулодда ҳолатлар содир бўлганда ишчи хизматчиларнинг ва уларнинг мол-мулкининг эвакуацияси ташкиллаштирилиб, комплекс ҳудудида ёнғин ўчириш техникаларининг эркин ҳаракатланиш имконияти ва ёнғинга қарши сув тизими манбаларининг созлиги ўрганилди.
Бундан ташқари, комплексда ёнғин хавфсизлигини таъминлашга қаратилган ташкилий тадбирлар кўрилаётганлиги, мавжуд ёнғин ҳақида автоматик равишда хабар берувчи мосламалар созлигига, захира чиқиш йўлларининг ҳолати, бирламчи ёнғин ўчириш воситаларини созлиги ҳамда ишчи хизматчиларни ёнғин ёки бошқа фавқулодда ҳолатлар содир бўлганда ўз вазифаларини қай даражада билишлари ўрганиб чиқилди.
Машғулот сўнггида комплекс маъмурияти ва ишчи хизматчиларига ёнғин хавфсизлигини таъминлаш, содир бўлиши мумкин бўлган ёнғинларни бартараф этиш ва инсонларни тезда эвакуация қилишни ташкил этиш бўйича тегишли тавсиялар берилди.
Изоҳ (0)