«Чирчиқ» дала-ўқув майдонида Ўзбекистон мудофаа вазири генерал-майор Абдусалом Азизов 8 декабрь – Конституция куни, шунингдек, тўсатдан текширув давомида ўзини кўрсатган Тошкент ҳарбий округи ҳарбий хизматчиларини мукофотлади. Бу ҳақда Мудофаа вазирлиги матбуот хизмати «Дарё»га маълум қилди.
Эслатиб ўтамиз, жорий йилнинг 26—30 ноябрь кунлари Ўзбекистон Президенти Шавкат Мирзиёевнинг кўрсатмасига мувофиқ Мудофаа вазирлиги қўшинларининг жанговар шайлигини текшириш учун комплекс ўқув машғулотлари бўлиб ўтган эди.
Текширув давомида ўтказилган махсус-тактик машғулотларда ҳарбийларнинг юксак профессионаллиги, Ўзбекистон армиясининг юқори жанговар шайлигини намоён бўлганди.
Тўсатдан текширувларнинг якунлари бўйича Ўзбекистон мудофаа вазирининг буйруғи билан қўшинлар тезкорлиги, жанговар шайлиги ҳамда ўзаро ҳамкорлигини таъминлаш, хусусан, комплекс машғулотларда алоҳида намуна кўрсатган 300 нафардан зиёд ҳарбий қисм ва муассасаларнинг ҳарбий хизматчилари «Намунали хизматлари учун» кўкрак нишонлари, пул мукофотлари, эсдалик совғалари ҳамда фахрий ёрлиқлар билан тақдирланди.
Изоҳ (0)