АҚШнинг Колорадо штатида жойлашган Северанс кичик шаҳарчасида қорбўрон ўйнашга қўйилган тақиқ бекор қилинди. Бу ҳақда «Tjournal» хабар берди.
Тўққиз ёшли Дейн Бест исмли ўқувчи ушбу чекловни бекор қилишга эришди. Дейн ушбу тақиқ ҳақида 1,5 ой илгари хабар топди. Тақиқ салкам 100 йил давомида қарор билан мустаҳкамланган. Унга кўра тош ва бошқа отадиган аслаҳаларни одамлар ва уларнинг мулкига отиш тақиқланган. Ушбу қарорда қорбўрон ҳам назарда тутилган.Дейн ушбу тақиқни адолатсиз деб топди ҳамда уни қўллаб-қувватлаган синфдошларининг имзосини тўплаб чиқди. Дейн бир ой давомида тақдимот тайёрлаб, шаҳар кенгаши олдида чиқиш қилди.Северанс шаҳри болалари дунё мамлакатларидаги бошқа болалар сингари қорбўрон ўйнашга ҳақли. Қонун кўп йиллар олдин пайдо бўлган, аммо ҳозир болаларга уйдан ташқарида ўйнаш учун сабаблар керак.Кенгаш йиғилишига кўплаб ота-оналар келди. Дейн асосли сабаблар келтирди ва масъулларнинг саволларига жавоб берди.Северанс ҳукумати болани тўла қўллаб-қувватлади, аммо улар болаларни хавфсизлик юзасидан огоҳлантирди. Чеклов олиб ташланганидан сўнг Дейндан биринчи қорни кимга отиши ҳақида сўралганида, у укасини кўрсатди.Бестнинг ота-онаси боланинг кичик бўлса ҳам ташаббус билан чиққанидан фахрланишини маълум қилди.Бола кейинчалик ҳам қонунчиликка ўзгартишлар киритишда давом этишни режа қилди.
Изоҳ (0)