2018 йилда жуда кўп ўзбек шоу-бизнеси вакиллари ота-оналик бахтига муяссар бўлди, яна айримлари фарзандли бўлиш арафасида. MyDay ушбу рўйхатни эълон қилди.
Хонанда Дилсўз — Гўзал Жуманиёзова учинчи бор она бўлиш арафасида. Хонанданинг Дилсўз ва Сафина исмли икки қизи бор.
2018 йилнинг 15 май куни Жамшид билан турмуш қурган хонанда Умидахон ҳам ҳозирда она бўлиш арафасида.
Актриса Муқаддас Саъдуллаева иккинчи бор она бўлади, ҳозирда унинг Саъдияхон исмли қизи бор.
Хонанда Нилуфар Усмонова ўзбек шоу-бизнесида фарзандлар сони бўйича етакчи саналади. У 1 август куни бешинчи фарзанди Сафияни дунёга келтирди.
Хонанда ва бошловчи Карен Гафуржанов ва унинг рафиқаси Садоқат 2018 йилда ўғил фарзанд кўрган.
Ойбек ва Нигора иккинчи бор ота-оналик бахтига мушарраф бўлди. Юлдузли оилада 26 май куни иккинчи ўғил дунёга келди.
Таниқли бошловчилар Шох Алимович (Нодиршох) ва Ойхон Ифорзода оиласида июль ойида ўғил фарзанд дунёга келди. Ҳозирда жуфтликнинг Амиршох ва Зохиршох исмли икки ўғли бор.
ВИА «Мароқанд» гуруҳининг аъзоси Абдурашид Тошматов илк бор қиз фарзандли бўлди.
«Сетора» гуруҳининг илк таркиби аъзоси Лейли февраль ойида иккинчи бор оналик бахтига муяссар бўлди.
Таниқли актриса Гулчеҳра Шаропова (Эшонқулова) ҳам бу йил иккинчи бор оналик бахтини туйди. АҚШда истиқомат қилаётган актриса қиз фарзандли бўлди.
Режиссёр Зебо Наврўзованинг кенжа ўғли Муҳаммадали ҳам бу йил оталик бахтига муяссар бўлди. Унинг хонадонида ўғил фарзанд дунёга келди.
Хонанда ва актёр Диёр Маҳкамов хонадонида ҳам бу йил янги чақалоқ дунёга келди.
Хонанда Шаҳноза Отабоева ва актёр Комол Бобоназаровнинг оиласида ўғил фарзанд дунёга келди.
Изоҳ (0)