Тошкент тиббиёт академияси (ТТА) ва Корея соғлиқни сақлашни ривожлантириш институти (KHIDI) билан ҳамкорликда 27 ноябрь куни Тошкентда Корея миллий халқ табобати маркази очилди.
Корея халқ табобати марказининг очилишига икки давлат — Ўзбекистон ва Корея Республикаси ҳамкорликдаги саъй-ҳаракатлари орқали эришилди.
Тиббий муассасанинг очилишидан олдин Корея—Ўзбекистон илмий алмашинуви семинари ташкил этилди ва унда ўзаро ҳамкорликнинг долзарб масалалари муҳокама қилинди. Ўзбекистонда бундай кенг кўламли лойиҳаларни амалга ошириш учун тегишли норматив-ҳуқуқий база мавжудлиги алоҳида таъкидланди.
Анъанавий тиббиётни ривожлантиришга энг юқори даражада қарор қабул қилинди. Президент 2018 йил 10 августда «Ўзбекистон Республикасида халқ табобати соҳасини тартибга солиш чора-тадбирлари тўғрисида»ги Фармонга имзо чекди.
Ўз навбатида кореялик шериклар, Чонг-Ёнг клиникаси 2015 йилдан буён Корея Республикаси тиббиётнинг глобаллашуви лойиҳасини амалга оширмоқда. ТТА билан Корея томони (KHIDI)
Ўртасида меморандум имзоланди, натижада Тошкентда анъанавий Корея халқ табобати маркази ташкил этилди.
Маросимни ТТА ректори Тўйчиев Лазиз Нодирович очди. Унда Соғлиқни сақлаш вазирининг биринчи ўринбосари Юсупалиев Баҳодир Қаҳрамонович, Олий ва ўрта махсус таълим вазири ўринбосари Бегимқулов Узоқбой Шоимқулович маъруза қилди. Корея томонидан лойиҳанинг бошланишига Соғлиқни сақлаш вазирлигининг бўлим бошлиғи Пак Жонг Ха томонидан старт берилди.
Меҳмонларни шунингдек, ТТА ва KHIDI билан ҳамкорликда, очилган миллий тиббиёт маркази директори доктор Шин Эсук қутлади. Нутқдан сўнг ТТА ректори меҳмонларни марказ бўйлаб сайр қилишни таклиф қилди.
Корея халқ табобати филиали барча керакли жиҳозлар, ускуналар ва зарурий ашёлар билан таъминланган. Бу ерда ўқув жараёнининг бир қисми сифатида кабинетда акупунктурнинг турли усуллари, масалан, пичоқ ва филаментли, шунингдек, фармакопунктур даволаш-роматоид ва дегенератив артрит касалликларини ари ёрдамида даволаш усули мавжуд бўлади.
Корея миллий халқ табобати маркази Ўзбекистон ва Корея Республикаси ўртасида аҳоли саломатлигини мустаҳкамлашга қаратилган ўзаро ҳамкорликнинг ажойиб намунаси сифатида намоён бўлди.
Реклама ҳуқуқи асосида
Изоҳ (0)