Россия президенти ёрдамчиси Андрей «Белоусовнинг рўйхати»дан ўрин олган россиялик бизнесменлар, металлургия, кимё ва нефть-кимё компаниялари эгалари давлат инфратузилма лойиҳаларини молиялаштиришга 7,3 триллион рубль киритишга тайёр, деб ёзади «РБК».
Тегишли келишувга молия вазирлигида 26 ноябрь куни бўлиб ўтган мажлисда эришилган. Алишер Усмоновнинг «Металлоинвест»и, Владимир Потаниннинг «Норильский никел»и, Саид Керимовнинг «Полюс»и ва бошқа қатор компаниялар раҳбарлари ва эгалари мансабдорларга инфратузилма лойиҳаларини молиялаштириш бўйича ўз таклифларини тақдим этди.
Рўйхатдан жами 143 та инвестиция лойиҳаси ўрин олган бўлиб, уларни амалга ошириш учун давлатга 7,3 триллион рубль талаб этилади. Молиялаштиришни 21 та йирик компания ўз бўйнига олди. Хусусан, «Норильский никель» жами қиймати 749,4 миллиард рублга тенг 12 та лойиҳани, «Металлоинвест» — 541,5 миллиард рубллик 17 та, «Полюс» — 507 миллиард рубллик 7 та лойиҳани ўз зиммасига олди.
Изоҳ (0)