27 ноябрь, сешанба куни футбол бўйича Европа Чемпионлар Лигаси мусобақасининг 4 та гуруҳида 5-тур беллашувлари бўлиб ўтади.
«E» гуруҳининг илк ўйинида «Аякс» жамоаси Афинада АЕК клуби меҳмони бўлади. «Бавария» эса мазкур турда ўз майдонида «Бенфика» билан куч синашади.
«F» гуруҳи пешқадами «Манчестер Сити» Францияда «Лион»га қарши баҳс олиб боради. Германияда «Ҳоффенҳайм» клуби Донецкнинг «Шахтёр» клубини синовдан ўтказади.
«G» гуруҳининг илк ўйини Москвада кечади. Унда ЦСКА жамоаси Чехиянинг «Виктория П» клубини қабул қилади. Гуруҳда карвонбошиликни бўлишиб турган «Рома» ва «Реал Мадрид» эса Римда ўзаро ҳисоб-китоб қилади.
«H» гуруҳида эса «Манчестер Юнайтед» жамоаси Швейцариянинг «Янг Бойз» клубини имтиҳон қилади. Гуруҳ пешқадами «Ювентус» бўлса, Испаниянинг «Валенсия»сини Туринда меҳмон қилади.
Европа Чемпионлар Лигаси
5-тур баҳслари
27 ноябрь, сешанба
«E» гуруҳи
Изоҳ (0)