“Roma”—“Real M”, “Yuventus”—“Valensiya”. YChL 5-tur o‘yinlari anonsi

27-noyabr, seshanba kuni futbol bo‘yicha Yevropa Chempionlar Ligasi musobaqasining 4 ta guruhida 5-tur bellashuvlari bo‘lib o‘tadi.

“E” guruhining ilk o‘yinida “Ayaks” jamoasi Afinada AYEK klubi mehmoni bo‘ladi. “Bavariya” esa mazkur turda o‘z maydonida “Benfika” bilan kuch sinashadi.

“F” guruhi peshqadami “Manchester Siti” Fransiyada “Lion”ga qarshi bahs olib boradi. Germaniyada “Hoffenhaym” klubi Donetskning “Shaxtyor” klubini sinovdan o‘tkazadi.

“G” guruhining ilk o‘yini Moskvada kechadi. Unda SSKA jamoasi Chexiyaning “Viktoriya P” klubini qabul qiladi. Guruhda karvonboshilikni bo‘lishib turgan “Roma” va “Real Madrid” esa Rimda o‘zaro hisob-kitob qiladi.

“H” guruhida esa “Manchester Yunayted” jamoasi Shveysariyaning “Yang Boyz” klubini imtihon qiladi. Guruh peshqadami “Yuventus” bo‘lsa, Ispaniyaning “Valensiya”sini Turinda mehmon qiladi.