Афғонистон шарқидаги Хост вилоятида жойлашган ҳарбий базада юз берган портлаш оқибатида камида 26 киши ҳалок бўлди ва 50 дан ортиқ киши турли даражада яраланди. Бу ҳақда «Корреспондент.net» хабар бермоқда.
Портлаш база ҳудудидаги масжид биносида содир бўлган. Қурбонлар ва ярадорларнинг катта қисмини афғонистонлик ҳарбий хизматчилар ташкил этади.
Маҳаллий ОАВларга кўра, портлашни худкуш террорчи амалга оширган.
Изоҳ (0)