Россиянинг Саратов вилоятида Қозоғистон билан чегара яқинида 5 нафар ўзбекистонлик ҳалок бўлган автобус иштирокида ЙТҲ содир бўлгач, ушбу вилоятдан Россия Давлат думаси депутати Николай Панков чегарага яқин туманларда йўловчи ташувлари устидан назоратни кучайтириш кераклигини айтди, деб ёзади «Podrobno.uz».
У қурбонлар оилаларига ҳамдардлик билдирган ҳолда, фожиа сабаблари ҳақидаги масалани ҳам кўтарди. «Кўпинча чегарадош давлатлар мамлакатимизга йўловчи ташувларидан даромад олиб, хавфсизлик чораларини эътиборсиз қолдиради», — деб ёзди депутат ўз Telegram-каналида.
У Ақтўбеда лицензияси йўқ ва техник кўрикдан ўтмаган автобус чегарадан ўтказиб юборилиши оқибатида юз берган фожиани ва бошқа бир нечта ҳолатларни мисол қилиб келтирди.
«Автобус орқали ташувлар, айниқса, транзит ташувлар устидан назоратни кучайтириш керак. Йўловчилар хавфсизлиги ҳисобидан тежалмаслиги, носоз транспортлар, рулда ухлаб қоладиган нопрофессионал ёки ишга кўмилиб кетган ҳайдовчилар ўтказилмаслиги керак. Эҳтимол чегара яқинидаги туманларда ЙҲХХ ходимлари сонини оширишимиз, транспорт назоратини кучайтиришимиз керак. Ўз ваколатларим доирасида ҳамкорликдаги ишларга қўшилишга тайёрман», — дея хулоса қилди депутат.
Изоҳ (0)