АҚШ махсус хизматлари саудиялик журналист Жамол Қошиқчини Истанбулдаги бош консуллик биносида ўлдиришга ким кўрсатма берганини аниқлади. Бу ҳақда «Корреспондент.net» хабар бермоқда.
The Washington Post нашрига кўра, Саудия Арабистони валиаҳд шаҳзодаси Муҳаммад бин Салмон мазкур қотилликнинг бевосита буюртмачиси ҳисобланади.
Марказий разведка бошқармаси турли манбаларни ўрганиб, журналистнинг ўлдирилиши унинг хабардорлиги ва иштирокисиз бўлмаганлиги ҳақидаги хулосага келди. Жумладан, ташкилот Саудиянинг АҚШдаги элчиси, валиаҳд шаҳзода Холид бин Салмон Қошиқчига қўнғироқ қилганини ойдинлаштирди.
Олдинроқ турк махсус хизматлари ҳам шундай хулосага келганди. Улар қотиллик юз берган консулликда бўлган разведка полковниги Моҳир Абдулазиз Мутриб ҳодиса ҳақида валиаҳд шаҳзодага хабар қилганини билдирмоқда.
Изоҳ (0)