Ягона интерактив давлат хизматлари портали ёрдамида «Ихтисослашган сўйиш корхоналарининг ветеринария, ветеринария-санитария қоидалари ва меъёрларига мувофиқлиги ҳақида ветеринария-санитария хулосасини олиш» имкони яратилди. Бу ҳақда портал маъмурияти «Дарё»га хабар берди.
Ўзбекистон Республикаси Президентининг 2017 йил 1 февралдаги «Тадбиркорлик субъектларига давлат хизматларини кўрсатиш механизмларини такомиллаштиришга доир қўшимча чора-тадбирлар тўғрисида» ПҚ-2750-сон қарори ва Ўзбекистон Республикаси Вазирлар Маҳкамасининг 2017 йил 15 мартдаги «Давлат ветеринария хизмати тизимида рухсат этиш хусусиятига эга ҳужжатларни бериш тартиб-таомилларидан ўтиш тартиби тўғрисидаги низомларни тасдиқлаш ҳақида» 139-сон қарорининг ижросини таъминлаш мақсадида Ягона интерактив давлат хизматлари порталида ихтисослашган сўйиш корхоналарининг ветеринария меъёрларига мувофиқлиги ҳақида хулосани олиш учун ариза юбориш имкони тақдим этилди.
Хулосани 7 иш куни давомида олиш мумкин.
Хулоса ким томонидан тақдим этилади?
Туман ёки шаҳар ветеринария бўлими my.gov.uz орқали мурожаат этувчининг илтимосига биноан тегишли хулосани беради.
Бу қандай ишлайди?
1-қадам. Хизматдан фойдаланиш шартлари билан танишиш.
2-қадам. Мурожаатчи ҳақида маълумот тўлдирилади.
3-қадам. Сўйиш корхонасининг жисмоний манзили ҳақида маълумот тўлдирилади.
- Ҳудуд танланади;
- Туман танланади;
- Амалдаги фаолият кўрсатиш манзили кўрсатилади;
- Ихтисослашган сўйиш корхонасининг жойлашиш схемаси юкланади;
- «Сиз бинонинг эгаси ҳисобланасизми?» белгиланади;
- Бинога эгалик ҳуқуқи ёки ижарани таслиқловчи шунингдек, ихтисослашган сўйиш корхонаси хоналарининг қурилиш, техник ва ишлаб чиқариш тавсифи тўғрисидаги ҳужжатлар нусхаси юкланади.
Изоҳ (0)