Ягона умумреспублика процессинг маркази маълумотларига кўра, 2018 йилнинг 2-чорак натижаларига кўра, Ўзбекистон ҳудудида амалга оширилган e-commerce транзакциялар сони жорий йилнинг 2-чорагига нисбатан пасайиш кўрсаткичларини кўрсатди, деб хабар берди Spot.
Жумладан, жорий йилнинг 3-чорагида e-commerce транзакциялар сони 69,8 миллионни ташкил этиб, 2018 йилнинг ўтган 2-чорагидаги 72,4 миллионлик ҳолатига нисбатан 3,6 фоизлик пасайишни қайд этди.
3-чоракда электрон коммерсия бўйича амалга оширилган транзакцияларнинг жами миқдори 1 610,7 миллиард сўмни ташкил этди. Ушбу кўрсаткич 2018 йилнинг 2-чоракида қайд этилган 872,4 миллиард сўмга нисбатан 184,6 фоизга ўсишни кўрсатмоқда.
Муомалага чиқарилган пластик карталарнинг умумий сони бўйича эса, 3-чоракда қайд этилган 817 179 та пластик карта сони, жорий йилнинг 2-чорагида қайд этилган 813 831 та пластик карталар сонига нисбатан 0,4%лик ўсишни намоён этди.
Умумий кўрсаткичларни ҳисобга олганда, муомалага чиқарилган пластик карталар сони бўйича «Халқ банки» 162 725 талик кўрсаткич билан етакчилик қилмоқда. Иккинчи ўринда «Агробанк» 123 360 та ҳамда «Ипотека Банк» 80 901 талик кўрсаткич билан учинчи ўринни эгаллади.
Изоҳ (0)