Ҳиндистон шимолида маймун онасининг қўлидаги чақалоқни ўғирлаб кетди ва уни қўшни уйлардан бирининг томида қолдирди. Бу эса боланинг ўлимига олиб келди, деб ёзмоқда «РИА Новости».
Хабар берилишича, аёл янги туғилган ўғлини овқатлантираётган вақтда маймун уйга югуриб кирган ва болани аёлнинг қўлидан олиб қочган.
Маймун болани аёлнинг қўлидан олиб қўйганда, боланинг онаси нима бўлаётганига тушунмай қолган. Боланинг отаси маймуннинг изидан югурган, маймун болани қўшни уйнинг томида қолдириб кетган. Ота ўғлининг олдига етиб борганда кеч бўлган эди.
Ота-она ўғлини шифохонага олиб борган. У ерда боланинг ўлими қайд этилган. Маймун боланинг бош суяги ва бўйнига жиддий жароҳат етказган.
Маҳаллий аҳолининг таъкидлашича, худди шу маймун чақалоқни ўғирлашдан 15 дақиқа олдин 14 ёшли қизга ҳам ҳужум қилган. Бироқ қиз енгил жароҳатлар билан қочиб қолишга улгурган.
Изоҳ (0)