Ўзбекистон санъат ва маданият институти талабалари Бутунроссия давлат кинематография институтининг «38-Халқаро талабалар фестивали»да иштирок этиш учун Россияга жўнаб кетди. Бу ҳақда «Turon 24» хабар бермоқда.
Ўзбек талабалари томонидан суратга олинган 16 та ҳужжатли фильм уч кун давомида институт талаблари, ўқитувчилари, магистрантлар ва киноижодкорлар томонидан баҳоланиб, халқаро фестивалга тавсия этилган.
Халқаро кино фестивали Бутунроссия давлат кинематография институти (ВГИК) томонидан ташкил этилган. Тадбир 1961 йилдан буён ўтказилиб келинаётган дунёдаги нуфузли талабалар кино танловларидан бири ҳисобланади.
Бу йилги талабалар фестивали 12—16 ноябрь кунлари Томск шаҳрида ўтказилади.
Изоҳ (0)