7 ноябрь, чоршанба куни Европа Чемпионлар Лигасининг 4 та гуруҳида 4-тур учрашувлари бўлиб ўтди.
«E» гуруҳида «Бавария» жамоаси ўз майдонида Афинанинг АЕК жамоасини синовдан ўтказиб, 2:0 ҳисобида ғалаба қозонди. Мезбонлар сафида Роберт Левандовски дублга эришди. «Бенфика» эса «Аякс»ни қабул қилиб, 1:1 ҳисобида дуранг ўйнади. Голлар Жонас ҳамда Душан Тадич томонидан киритилди.
«F» гуруҳида «Манчестер Сити» клуби «Etihad» стадионида «Шахтёр Донецк» жамоасини қабул қилиб, 6:0 ҳисобида йирик ғалабани нишонлади. Учрашувда Габриэль Жезус ҳет-трикка эришди. Гуруҳнинг иккинчи учрашувида «Лион» Германиянинг «Ҳоффенҳайм» клуби билан 2:2 ҳисобида дуранг қайд этди.
«G» гуруҳида эса Москванинг ЦСКА клуби ўз майдонида Римнинг «Рома»си билан кураш олиб бориб, 1:2 ҳисобида имкониятни бой бериб қўйди. Гуруҳнинг иккинчи учрашувида Мадриднинг «Реал» жамоаси «Виктория» клубига қарши сафарда майдонга тушди ва 5:0 ҳисобидаги йирик ғалабани қўлга киритди. Мадридликлар сафида Карим Бензема дублга эришди. Каземиро, Гарет Бэйл ва Тони Кроос эса биттадан гол киритди.
«H» гуруҳида «Валенсия» жамоаси ўз майдонида Швейцариянинг «Янг Бойз» клуби билан баҳсга киришиб, 3:1 ҳисобида ғалаба қозонди. Ўйинда Санти Мина дубл қайд этди. Мезбонларнинг яна бир голи Карлос Солер томонидан киритилди. Меҳмонлардан эса Ассале жавоб голи муаллифи бўлди.
Иккинчи учрашувда эса «Ювентус» ўз майдонида «Манчестер Юнайтед»ни қабул қилиб, 1:2 ҳисобида ютқазиб қўйди. Аввалига 65-дақиқада Криштиану Роналду собиқ жамоаси дарвозасини чиройли тарзда ишғол қилган бўлса, 86-дақиқада Хуан Мата ҳисобни тенглаштирди. 89-дақиқада эса Алекс Сандро автогол соҳибига айланди.
ЕЧЛ. «Ливерпуль» ютқазди, «Атлетико М»да ғалаба, «Барселона» эса «Интер»ни юта олмади (видео)
Европа Чемпионлар Лигаси
4-тур беллашувлари
7 ноябрь, чоршанба
«E» гуруҳи
«Бавария»—АЕК 2:0
Голлар: 1:0 – 31, пенальти Левандовски, 2:0 – 71 Левандовски.«Бенфика»—«Аякс» 1:1
Голлар: 1:0 – 29 Жонас, 1:1 – 61 Тадич.«F» гуруҳи
«Манчестер Сити»—«Шахтёр Д» 6:0
Голлар: 1:0 – 13 Силва, 2:0 – 24, пенальти Габриэль Жезус, 3:0 – 48 Стерлинг, 4:0 – 72, пенальти Габриэль Жезус, 5:0 – 84 Маҳрез, 6:0 – 90 Габриэль Жезус.«Лион»—«Ҳоффенҳайм» 2:2
Голлар: 1:0 – 19 Фекир, 2:0 – 28 Ндомбеле, 2:1 – 65 Крамарич, 2:2 – 90 Кадержабек.«G» гуруҳи
ЦСКА — «Рома» 1:2
Голлар: 0:1 – 4 Манолас, 1:1 – 51 Сигурдссон, 1:2 – 59 Пеллегрини.«Виктория П»—«Реал Мадрид» 0:5
Голлар: 0:1 – 20 Бензема, 0:2 – 23 Каземиро, 0:3 – 37 Бензема, 0:4 – 40 Бэйл, 0:5 – 67 Кроос.«H» гуруҳи
Изоҳ (0)