7 ноябрь, чоршанба куни Европа Чемпионлар Лигасининг 4-турида Туринда мезбон «Ювентус» клуби Англиянинг «Манчестер Юнайтед» жамоасига 1:2 ҳисобида имкониятни бой берди.
Натижада туринликларнинг 14 та ўйиндан бери давом этиб келган мағлубиятсиз учрашувлар сериясига якун ясалди. «Ювентус» кечаги мағлубиятга қадар барча мусобақаларда 14 та ўйин ўтказиб, 13 тасида ғалаба қозонди, 1 тасида эса дуранг қайд этганди.
Қайд этиш лозим, «Ювентус» мағлубиятга қарамай 4-турдан сўнг 9 очко билан «H» гуруҳида пешқадам бўлиб турибди.
Изоҳ (0)