Tesla компаниясининг директорлар кенгаши раиси этиб австралиялик Робин Денхольм тайинланди. Бунга қадар ушбу лавозимда Илон Маск фаолият юритган, деб ёзади Meduza.
Денхольм эса ушбу лавозимга тайинлангунига қадар Австралиянинг Telstra йирик телекоммуникацион компаниясида ишлаган.
Келгуси олти ой унинг учун расмий ўтиш даври бўлади. У Telstra’да иш топширади, Илон Маск эса унга янги компаниядаги вазифаларини бажаришга киришишида ёрдам беради.
Август ойи аввалида Илон Маск Twitter’даги саҳифасида Tesla акцияларини биржа орқали сотишни режалаштираётганини ёзганди. Шундан сўнг уларнинг нархи бирдан кўтарилиб кетди. Бир неча кундан сўнг Маск бу фикридан қайтганини ёзди.
АҚШ қимматбаҳо қоғозлар комиссияси Илон Маскнинг ушбу ҳаракатини инвесторларни алдаш сифатида баҳолади. Комиссия қарорига кўра, Маск компания директорлар кенгаши раиси лавозимини тарк этди. Бундан ташқари, Tesla ва Илон Маск 20 миллион доллар жарима тўлаши белгиланди.
Маск компаниянинг бош директори лавозимида қолади.
Изоҳ (0)