Британиянинг Spice Girls поп-гуруҳи ижтимоий тармоқлар орқали бирлашганини маълум қилди. Бу ҳақда «Интерфакс» хабар берди.
Жери Хорнер, Эмма Бантон, Мел Би ва Мел Си бир гуруҳ бўлиб қайта тикланди ва 2019 йилнинг ёзида Буюк Британия бўйлаб янги турга отланади.
Гуруҳнинг бешинчи аъзоси Виктория Бекхэм лойиҳада иштирок этишдан бош тортган. У ўзининг бизнесга оид мажбуриятлари туфайли гуруҳга қўшилмайди.
Қайд этилишича, Мел Би қачондир Бекхэмни ўзларининг сафида кўришга умид қилмоқда.
Гуруҳнинг биринчи концерт дастури 1 июнь куни Манчестер шаҳрида бўлиб ўтади.
Маълумот учун, Spice Girls гуруҳи 1994 йилда ташкил этилган. 2000 йилдан бошлаб гуруҳ аъзолари яккахон ҳолда ижод қилиб келади.
Изоҳ (0)