5 ноябрь куни Сирдарё вилоятининг Сирдарё тумани «Пахтакор» маҳалла фуқаролар йиғинида яшовчи Б.Н.нинг уйи гаражида ёнғин содир бўлган. Кўрилган чоралар натижасида ёнғин ўчирилган.
Ёнғин натижасида гаражнинг 40 квадрат метр майдонида том қисми ҳамда шу ерда турган Captiva русумли автомашинаси салон қисми ёниб зарар кўрган. Жароҳат олганлар йўқ.
Шу куни Тошкент вилоятининг Қибрай тумани Дўрмон қишлоғида яшовчи А.Қ.нинг уйида ҳам ёнғин содир бўлган. Кўрилган чоралар натижасида ёнғин ўчирилган.
Ёнғин натижасида уйнинг 150 квадрат метр майдонида том, шифт ва дарвозахонаси ҳамда уй дарвозахонасида турган Nexia русумли автомашинаси ёниб зарар кўрган. Жароҳат олганлар йўқ.
Ўзбекистон ИИВ Жамоатчилик ва оммавий ахборот воситалари билан алоқалар бошқармасидан маълум қилишларича, ҳар икки ёнғиннинг келиб чиқиш сабаблари ва улар етказган моддий зарар миқдорини аниқлаш мақсадида тегишли ишлар олиб борилмоқда.
Изоҳ (0)