Филиппин пойтахти Манилада бўлиб ўтган «Ер гўзали—2018» танловида 23 ёшли Вьетнам вакиласи Фионг Кхань Нгуен ғолиб бўлди, деб ёзади «Корреспондент.net».
Таъкидланишича, Нгуен университетда ўқиб, маркетингни ўрганмоқда, инглиз тилида эркин сўзлашади ва мушукларни атроф-муҳитга мослаша олиш қобилияти учун яхши кўради.
Тақдимот ролигида қиз Вьетнам жанубидаги Меконг дарёсини сақлаб қолиш бўйича экологик лойиҳа ҳақида гапириб берди.
Олов гўзали, Сув гўзали ва Ҳаво гўзали унвонлари эса Мексика, Колумбия ва Австрия вакилаларига насиб қилган.
Танлов 2001 йилдан бошлаб ўтказиб келинади. Унинг асосий ғояси — атроф-муҳитга жиддий муносабатда бўлишга диққатни қаратиш. Барча иштирокчилар халқаро экологик лойиҳаларни тақдим этади. Танлов БМТ раҳбарлиги остида ўтказиб келинади.
Изоҳ (0)