Кеча, 2 ноябрь куни Россиянинг Москва шаҳрида Халқаро ҳаваскорлар бокс ассоциацияси — AIBA’нинг 2018 йилги конгресси чоғида Бутунжаҳон бокс серияси — WSB мусобақасига бир қатор ўзгартиришлар киритилди.
Ўзгаришлар Олимпиада ўйинларига киритилган янги вазн тоифалари билан боғлиқ. Унга кўра эндиликда боксчилар енгил -52 кг, 57 кг, 63 кг, 69 кг вазнларида, шунингдек, оғир -75 кг, 81 кг, 91 кг, +91 кг вазнларида баҳс олиб боради.
Токио—2020 квоталарига эга бўлишда боксчиларнинг WSB’нинг IX ҳамда Х мавсумлари якунидаги рейтингига қаралади. AIBA ва WSB Х мавсум сўнгида ҳар бир давлат учун квоталар сонини эълон қилади.
2019 йилда старт оладиган WSB мавсумида Олимпиада ўйинлари учун 32 та йўлланма ўйналади.
Бу Олимпиаданинг бокс бўйича мусобақалари учун ажратилган йўлланмаларнинг 10 фоиздан кўпроғини ташкил этади. Агар бирор бир давлат боксчиси йўлланмадан фойдаланмаса, у автоматик равишда рейтингдаги кейинги боксчига ўтади.
Изоҳ (0)