Huawei ва Audi компаниялари «HUAWEI CONNECT 2018» конференцияси доирасида уланган ақлли автомобиллар (ICV) соҳасида келгуси ҳамкорлик режаларини маълум қилиб, ушбу инқилобий технологиянинг имкониятларини амалда намойиш қилиш учун янги Audi Q7 моделини тақдим этишди.
«Ҳозирда биз юқори даражада автоматлашган ҳайдовчисиз уловнинг ишлаш хусусиятлари, шунингдек, транспорт воситаси ва инфратузилма ўртасида ишончли алоқани таъминлайдиган тармоқларни такомиллаштириш устида бош қотирмоқдамиз. Биз Huawei билан ҳамкорликни кучайтириш истагидамиз, чунки бундан ҳам компаниялар, ҳам истеъмолчилар манфаат кўради», – дейди Audi China R&D ижрочи директори Саад Метс (Саад Метз).
«Автомобиллар кундан-кунга ақлли бўлиб бормоқда ва ахборот-коммуникация технологиялари бу йўналишда янада муҳим аҳамият касб этяпти. Жаҳондаги энг илғор премиум брендлардан бири ҳисобланган Audi компанияси билан ўзаро ҳамкорликда автоматик бошқарув тизимини сезиларли даражада ривожлантиришга ўз ҳиссамизни қўшишга ишончимиз комил. Яқин келажакда дунёнинг барча ҳудудларида одамлар хавфсиз, қулай, ақлли ва пилотсиз қурилмалардан фойдаланиши мумкин бўлади», – деб қўшимча қилди Huawei компаниясининг бошқарув кенгаши раиси ва стратегик маркетинг бўйича директори Вильям Сюй (Вильиам Ху).
Шаҳар шароитида автоматлашган бошқарувни таъминлаш учун Huawei Mobile Data Center (МDC) маълумотлар маркази Audi Q7 билан интеграцияланган. Ушбу прототип HUAWEI CONNECT 2018 конференциясида оммага таништирилди.
Бундан бир неча ой аввал, 2018 йилнинг 10 июль санасида Берлин шаҳрида Huawei ва Audi компаниялари интеллектуал уланган автомобилларни ишлаб чиқиш мақсадида стратегик ҳамкорлик тўғрисидаги меморандумни имзолашган эди. Ҳамкорликнинг янги босқичи ушбу икки бренднинг умумий стратегиясини амалга татбиқ этишда кучли туртки бўлиб хизмат қилмоқда.
Реклама ҳуқуқи асосида
Изоҳ (0)