Бугун,

  • USD 10940.05
  • RUB 182.26
  • EUR 11121.65

Ўзбекистон футбол ассоциацияси терма жамоалар учун сифатли экипировкалар етказиб берувчи бир қатор хориж компаниялари билан музокаралар олиб бориб, якунда Германиянинг машҳур JAKO («ЯКО») компанияси билан ҳамкорлик бўйича келишувга эришди, деб хабар беради ташкилот матбуот хизмати.

Фото: ЎФА

Фото: ЎФА

Эндиликда мазкур компания турли ёшдаги Ўзбекистон миллий терма жамоалари учун ҳар бир мавсум учун экипировкалар етказиб берадиган бўлди.

Маълумот учун, JAKO («ЯКО») компанияси спорт экипировкалари (либос, оёқ кийим, аксессуарлар) ва инвентарларни ишлаб чиқаришга мўлжалланган компания бўлиб, унга Руди Шпрюгел томонидан 1989 йилнинг 1 ноябрида асос солинган. Айни вақтда JAKO («ЯКО») компаниясининг 40дан ортиқ мамлакатларда филиаллари мавжуд. Компаниянинг бош биноси Германиянинг жануби-ғарбидаги Холленбах округида жойлашган.

Ҳозирда Австрия, Бельгия, Нидерландия, Швейцария каби мамлакатларнинг бир қатор клублари айнан JAKO компанияси билан ҳамкорлик қилади.

Эртага, 25 октябрь куни соат 19:00да Миллий олимпия қўмитасида Ўзбекистон футбол ассоциацияси ҳамда JAKO компанияси томонидан ўзаро ҳамкорлик бўйича келишув имзоланади.

Эслатиб ўтамиз, аввалроқ ЎФАнинг Adidas компанияси билан келишувга эришгани ҳақида хабар берилганди. Аммо синов муддатидан сўнг Adidas билан ҳамкорликдан воз кечилган. ЎФА биринчи вице-президенти Умид Аҳмаджоновнинг «Kun.uz»га маълум қилишича, JAKO терма жамоалар учун уч йил бепул экипировкалар тақдим этади.

Изоҳ
Асосий янгиликлар