Брюс Уиллис дала ҳовлисини сотди ва 10 миллион доллар йўқотди

Америкалик актёр Брюс Уиллис Айдахо штатидаги дала ҳовлисини 5,5 миллион долларга сотди. Бу ҳақда People.com хабар берди.

Актёр 2011 йилда уйини 15 миллион долларга сотишни режалаштирган, кейин эса нархни 6,5 миллионгача туширган, бироқ якунда қарийб 10 миллионлик чегирмага келишган.

Штат жанубидаги Сан-Валли шаҳрида жойлашган дала ҳовли саккиз гектар майдонни эгаллайди. Асосий уйнинг умумий майдони 700 квадрат метрга тенг, унда олтита ётоқхона, олтита ҳожатхона бор. Хўжайиннинг дам олиш жойи иккинчи қаватни тўлиқ эгаллайди.

Шунингдек, дала ҳовлида битта ётоқхонали меҳмон уйи, кичик спорт комплекси, бир нечта кўл ва булоқ, иситиладиган ҳовуз ҳам мавжуд. Объектни сотиб олган харидорнинг номи маълум қилинмаган.