Бу сўзларни «Оскар» мукофоти совриндори Альфред Хичкок Ўзбекистон санъати ва маданияти ривожига қўшган ҳиссаси учун Президент мукофотини қўлга киритган режиссёр Жаҳонгир Аҳмедовнинг «Исломхўжа» фильмини томоша қилган америкалик томошабинлардан бирининг фикридан келтиради, деб ёзади ТИВ матбуот хизмати.
Картинанинг Америкадаги илк намойиши АҚШнинг 28-президенти Вудро Вильсон мемориал мажмуасида ўтказилди.
Фильм томошабинни ХХ аср бошларидаги Хоразмга чорлайди.
Унда ёш тадқиқотчи сўнгги икки Хива хонига хизмат қилган буюк вазир Исломхўжанинг сирли ўлимини ўрганади.
Ўша даврларда Хива хонлиги Россия империяси назорати остида бўлса ҳам билим ва кучли обрў Исломхўжага император Николай II билан миллий ва халқаро сиёсатни бемалол муҳокама қилиш имконини беради.
Исломхўжа халқ орасида хондан ҳам кўра кўпроқ ҳурмат ва сиёсий обрўга сазовор бўлган. У амалдаги ҳукуматга таҳдид солувчи таълим, иқтисодий ва маданий ислоҳотларни ёқлаб чиқади.
Фильм намойишидан сўнг қизиган муҳокамада Вилсон маркази директори директори Мэтью Роянски, ёзувчи Натали Руланд, Ўзбекистоннинг АҚШдаги элчиси Жавлон Ваҳобов, фильм муаллифи Жаҳонгир Аҳмедов иштирок этди.
Таниқли кинорежиссёр, продюсер, кинотанқидчи, ёзувчи, санъатшунослар, Вашингтоннинг ишбилармон доиралари вакилларидан иборат 200 дан ортиқ томошабин нафақат кинонинг қандай суратга олингани, балки сужетнинг қанчалик тарих билан уйғунлиги, Ўзбекистонда кинематографиянинг ҳозирги ҳолати ва истиқболи билан қизиқди.
Меҳмонлар ўзбек режиссёрининг ишини юксак баҳолаб, уни Голливуд фильмлари билан бир қаторда санаб ўтди.
Суҳбат давомида ана шундай ўзбек киноларининг Америка экранлардаги намойишини ташкиллаштириш масаласи кўриб чиқилди.
Изоҳ (0)