Гиннеснинг рекордлар китобига киритилган томоша илк бора Ўзбекистон театрларида намойиш этилади

Ўзбекистонга Сергей Образцов номидаги дунёдаги энг йирик қўғирчоқ театри 40 йил ичида илк бора гастрол сафари билан келади, деб хабар беради Turon 24.

Театрнинг Гиннес рекордлар китобига киритилган «Ғаройиб концерт» томошаси биринчи марта Ўзбекистон театрларида намойиш этилади.

Спектакллар Ўзбекистон давлат академик рус драма театрида 19, 20 ва 21 октябрь кунлари қўйилади.

«Ғаройиб концерт» дастури дунё бўйича 10 минг мартадан кўпроқ намойиш қилинган томоша ҳисобланади.

Театр жамоаси 19, 20 октябрь кунлари соат 18:00 да «Ғаройиб концерт», 21 октябрь куни соат 13:00 ва 16:00 да «Мушукнинг уйи» томошаларини кўрсатади.

Дунёга машҳур қўғирчоқ театрининг Ўзбекистонга сафари Россиянинг «Катта гастрол» лойиҳаси ҳамда Алишер Усмоновнинг «Санъат, илм ва спорт» хайрия жамғармаси ҳамкорлигида ташкил этилмоқда.

Театр томошалари Самарқанд шаҳрида ҳам ўтказилиши кутилмоқда.