Bu so‘zlarni “Oskar” mukofoti sovrindori Alfred Xichkok O‘zbekiston san’ati va madaniyati rivojiga qo‘shgan hissasi uchun Prezident mukofotini qo‘lga kiritgan rejissor Jahongir Ahmedovning “Islomxo‘ja” filmini tomosha qilgan amerikalik tomoshabinlardan birining fikridan keltiradi, deb yozadi TIV matbuot xizmati.
Kartinaning Amerikadagi ilk namoyishi AQShning 28-prezidenti Vudro Vilson memorial majmuasida o‘tkazildi.
Film tomoshabinni XX asr boshlaridagi Xorazmga chorlaydi.
Unda yosh tadqiqotchi so‘nggi ikki Xiva xoniga xizmat qilgan buyuk vazir Islomxo‘janing sirli o‘limini o‘rganadi.
O‘sha davrlarda Xiva xonligi Rossiya imperiyasi nazorati ostida bo‘lsa ham bilim va kuchli obro‘ Islomxo‘jaga imperator Nikolay II bilan milliy va xalqaro siyosatni bemalol muhokama qilish imkonini beradi.
Islomxo‘ja xalq orasida xondan ham ko‘ra ko‘proq hurmat va siyosiy obro‘ga sazovor bo‘lgan. U amaldagi hukumatga tahdid soluvchi ta’lim, iqtisodiy va madaniy islohotlarni yoqlab chiqadi.
Film namoyishidan so‘ng qizigan muhokamada Vilson markazi direktori direktori Metyu Royanski, yozuvchi Natali Ruland, O‘zbekistonning AQShdagi elchisi Javlon Vahobov, film muallifi Jahongir Ahmedov ishtirok etdi.
Taniqli kinorejissor, prodyuser, kinotanqidchi, yozuvchi, san’atshunoslar, Vashingtonning ishbilarmon doiralari vakillaridan iborat 200 dan ortiq tomoshabin nafaqat kinoning qanday suratga olingani, balki sujetning qanchalik tarix bilan uyg‘unligi, O‘zbekistonda kinematografiyaning hozirgi holati va istiqboli bilan qiziqdi.
Mehmonlar o‘zbek rejissorining ishini yuksak baholab, uni Gollivud filmlari bilan bir qatorda sanab o‘tdi.
Suhbat davomida ana shunday o‘zbek kinolarining Amerika ekranlardagi namoyishini tashkillashtirish masalasi ko‘rib chiqildi.
Izoh (0)