GM Uzbekistan компанияси модель қаторини янгилаш глобал дастури доирасида компания GM Korea билан ҳамкорликда Тошкентдаги филиалда Tracker моделини йиғиш ишларини олиб бормоқда. Бу ҳақда, компания матбуот хизматига асосланиб, Spot хабар бермоқда.
Айтилишича, GM Korea билан қатор шартномалар имзоланиб, улар асосида деталлар, асбоб-ускуна ва инструментлар етказиб берилади. Шунингдек, синов муддати доирасида шу пайтга қадар 28 та Tracker автомобили йиғиб бўлинди.
«Қайд қилиб ўтиш керак, Tracker автомобилининг синов йиғиш ишлари муваффақиятли ўтди. Оммавий ишлаб чиқаришнинг бошланиш санаси, шунингдек, машина тавсифи ва нархи ҳақида кейинроқ, ишлаб чиқариш жараёни ва ташкилий жиҳатлар йўлга қўйилганидан сўнг маълум қилинади», — дейилади матбуот хизмати хабарида.
Изоҳ (0)