Жорий йилнинг 14 октябрь кунига ўтар кечаси Андижон шаҳри Қаландархона МФЙда яшовчи фуқаро Й.О.нинг Damas русумли автомашинаси Андижон шаҳри, Шифокор МФЙ, Шимолий кичик даҳа ҳудудида қаровсиз ҳолда қолдирилиши оқибатида номаълум шахслар автомашина олди чап эшигини ғайриқонуний равишда очишиб, унинг салонида бўлган 8 миллион 400 минг сўм пуллар ҳамда 1 дона тикув машинасини ўғирлаб кетишган. Бу ҳақда вилояти ИИБ ахборот хизмати хабар берди.
Андижон вилояти ИИБга жабрланувчи Й.О. томонидан келиб тушган аризага асосан, Андижон шаҳар ИИО ФМБ ҳамда вилоят ИИБ патруль-пост хизмати ходимлари билан ҳамкорликда тезкор суриштирув ҳаракатлари олиб борилиб, номаълум шахслар аниқланди.
Ўғирликни содир этганлар Андижон шаҳрида яшовчи А.И., Д.Б., Т.С., Р.А.лар бўлиб чиқди.
Улардан далилий ашё сифатида ўғирланган пул маблағлари ва буюмлар олинди.
Ҳозирда Андижон вилояти ИИБ томонидан ушбу ҳолат бўйича терговга қадар текширув ҳаракатлари олиб борилмоқда.
Изоҳ (0)