Фуқаролик ва доимий турар жой масалалари бўйича глобал консултация маркази бўлган Henley & Partners компанияси паспортлар индекси (Passport Index) бўйича янги рейтингни эълон қилди. Бу ҳақда «Халқ сўзи Online» хабар берди.
Ташкилот расмий сайтида эълон қилинган рейтингда Ўзбекистон 82-ўринни эгаллади. Бир неча ой муқаддам эълон қилинган рейтингда Ўзбекистоннинг ўрни 76-ўринда қайд этилганди.
Henley & Partners компаниясининг йиллик Паспортлар индекси жаҳоннинг 200 дан ортиқ давлатлари ва ҳудудларидаги визалар қоидаларини таҳлил қилади ҳамда уларни визасиз чиқиладиган мамлакатлар сони бўйича ажратиб чиқади.
Henley & Partners компанияси барча мамлакатлар ва ҳудудлардаги виза тартиб-қоидаларини диққатлик билан ўрганиб чиқди ҳамда ҳаракатланиш эркинлиги даражаси бўйича мамлакатлар рўйхатини тузди.
Индексга кўра, Ўзбекистон фуқаролари визасиз 59 мамлакатга боришлари мумкин.
Рейтингда биринчи ўрин Японияда. Япония паспорти билан дунёнинг 190 мамлакатига визасиз саёҳат қилиш мумкин. Иккинчи ўрин Германия ва Сингапурга берилди (189 мамлакат).
Изоҳ (0)